Սալվադոր Դալի

Սալվադոր Դալին համարվում է արվեստի սյուռեալիստական շարժման ամենամեծ նկարիչը և 20-րդ դարի խոշորագույն նկարիչներից մեկը:

Սալվադոր Դալին ծնվել է 1904 թ. Հյուսիսային Իսպանիայի Ֆիգուերա փոքրիկ քաղաքում: Նրա նկարչական տաղանդը ի հայտ է եկել դեռ վաղ հասակից և Սալվադոր Ֆելիպե Յակինտո Դալին իր առաջին նկարչական դասերը ստացել է տասը տարեկան հասակում: Նրա ուսուցիչներն էին այն ժամանակվա հայտնի իսպանացի իմպրեսիոնիստ նկարիչ Ռոման Պիչոտը: Դալին սկսեց արվեստ ուսումնասիրել Մադրիդի Արվեստի թագավորական ակադեմիայում: Նրան երկու անգամ հեռացրել են դպրոցից, և նա երբեք չի հանձնել իր ավարտական քննությունները:

1928 թ. դալին մեկնում է Փարիզ, որտեղ հանդիպում է իսպանացի նկարիչներ Պաբլո Պիկասոյին և Խուան Միրոյին: Նա իրեն հաստատում է իբրև սյուռեալիստ նկարիչների խմբի գաղափարակիր, որոնք համախմբվել են Անդրե Բերթոնի շուրջը, որը սյուռեալիզմի «տեսական դպրոցի» հիմնադիրն էր: Տարիներ անց Բրեթոնը երես է դարձնում Դալիից` նրան մեղադրելով ֆաշիզմին աջակցելու, իրեն չափազանց շատ ներկայացնելու և ժլատության մեջ:

1929 թ. Դալին արդեն գտել է իր սեփական ոճը, որը նրան պետք է հայտնի դարձներ:

1933 թ. նա ունեցավ իր անհատական ցուցահանդեսը Նյու Յորքում, իսկ հետո համաշխարհային պատերազմից խույս տալու համար Դալին մշտական բնակության համար ընտրեց ԱՄՆ-ը:

Դալին դարձավ ամերիկյան բարձր հասարակության սիրելին: Բացի նկարչությունից, նա ուներ նաև այլ հետաքրքրություններ: Նա մեծ հետաքրքրություն ցուցաբերեց գիտության, կրոնի և պատմության նկատմամբ: Նա իր արվեստի մեջ ներմուծեց այնպիսի բաներ,որոնք քաղել էր գիտական հանրահայտ ամսագրերից:

1958 թ. նկարիչն սկսեց պատմական թեմաներով իր նկարների շարքը: Դրանցից ամենահայտնին` «Թե ինչպես է Կոլումբոսը հայտնաբերում Ամերիկան»  կտավն է: Այն կարելի է տեսնել Ֆլորիդայում գտնվող Դալիի թանգարանում, որը հիմնադրվել է 1971 թ. Դալիի հավաքածու ունեցող Ռեյնոլդ Մորսի և նրա կնոջ` Էլեանորի կողմից: Դալիի թատրոն-թանգարանը Ֆիգերեսում նախկին քաղաքային թանգարանն է: 1918 թ., երբ Դալին ընդամենը 17 տարեկան էր, առաջին անգամ այնտեղ կայացավ նրա ցուցահանդսը:

1980 թ. Դալին ստիպված էր անցնել թոշակի, քանի որ ձոռքերն արդեն դողում էին: 1984 թ., երբ նա արդեն անկողնում էր, հրդեհի պատճառով դաժան այրվածքներ ստացավ: Մինչև կյանքի վերջը Դալին ապրել է իր սեփական թանգարանի աշտարակում, որտեղ մահացավ 1989 թ. հունվարի 23-ին: